PUANG MALLINOKU ( Puisi Bahasa Bugis)
PUANG MALLINOKU
Karya : Ikbal Usman
Engkamaiye anak dorakamu
Sappai atuongenna
Temmengkalinga ada , Tennisseng bettuang
Mattoroq toroq Lao risompereng
Tebbokong , temmodala temmodele
Sappai anu tennitae mata, anu tennarapi lima,
anu tennarampe bicara.
Ambooo,
wakkatenni adatta,
Angkeq na buranewe akki jama jamang e
Urasakanni tekko purae mupirasa
Urasakanni yamenna Tinro essoe
Uddanikku tennullei narampe bicara
Uddanikku tennullei nettekeng Lila
Maladdeq upahang pappojimmu
Indooo,
Muddanini Anakmu
Atikku maeloni lesu mattana Ogi
Watakkaleku maradde mopi RI sompereng
Degaga ufurennu sangadinna ajjappangetta
Degaga ufurennu sangadinna Paddoangngetta
Enkani maiye Anakmu
Manre temmasipa Matinro temmanyameng
Sappai Atuongenna
Sappai Allalengenna Riasengnge deceng
Nawedding ngi mappideceng Ri Puang Mallinona
Indoo.. Ambooo...
Baraq engkagatu atassalakku
Baraq engkagatu pangkaukekku tappasala
Baraq engkagatu adakku peddiri atitta
Tuli sussa meni bawang simata
Tuli peddi meni bawang simata
Tuli maddarekemeni bawang simata
Nalolongeng wija kuttummu
Werekkada denullei messu riolota
Werekkada denengka taengkalingai
Addampengi Anakmu Indoo
Addampengi Anakmu Amboo
Komentar