DEWATA SEWWAE PUISI BAHASA BUGIS

 PUISI BAHASA BUGIS

DEWATA SEWWAE

Karya : Ikbal Usman

 

Dalle e, Amatengnge , totoe, yewae siputoto

Elona DEWATA SEWWAE

Ompona essoe

Naomporengngi Dalle'e

Labunna essoe

Nalabungengngi Umuru'e

Mappancaji Tenri fancaji

 

DEWATA SEWWAE

 

Mappasiwale denappasilennereng

Anu Denaitai fakkita mata ulu

Naekiya naita fakkita mata Ati

Tenri sappa rimabelae

Engkai risesena macawe'e

Tenri wale' sangadinna RI Assompae

Tenri yengngerang sangadinna risikkiri'e

 

DEWATA SEWWAE

 

Ellauko sarekkuammengngi walekko

Iwerekki aga yapparelluang tennia aga yellau

Ifaccajingekki watakkale sukku

Naekia de' napahangngi asukkukenna

Gangkanna degaga Asukkurukenna

Napancajingekki Lino lollong lise

Sarekkuammengngi engka muala Akkatuongeng Lino

Naekiya denapahangngi Lino onrong leppang leppangeng

 

LESIKU , CENGAKI , ARENGNGERAKKI ,SUKKURUKKI,  AKKAWARUKI , AKKASIWIAKKI LAO RI DEWATA SEWWAE