SYAIR UNTUK MEMANGGIL PENGANTING PRIA SETELAH IJAB KABUL DI SUKU BUGIS

Syair pangolli botting suku Bugis 

KURU POLE SUMANGEMU ANAK BULAENG

MATTAMANIMAI RIARAJANG ALEBIRRENGNA SAJI-SAJIMMU

MUTTUDANG TAKKATU-KATU MUOLI DECENG MATTTTENTUMU

TUOKIMALAMPESUNGE TANRE MALLONGI-LONGI

TASAKKA TEDDUNG NANIACCINAUNGI

TAMANI MAI NANUPALLEBBA TUDANGEMU

NABARANG IDIPA RUNTUI PAKKADANG DAPIENGNGI MATANNA ESSOE

OE ANA BULAENG MATTAMANI MAE

APA PURA TAODDUNGNI TANETE LAMPE

TALLIMBANG TONI SALO MARAJA

PURA TATTUPPUTONI BULU MATANRE

MULLETTU RIBOLA ARAJANNA SAJI-SAJING TO SINJAIMU

ENRENI MAI SAPPULAI BARINGENG ADDENENNG SAPANA RAJENG

TUPPUNI MAI RI ADDENENG MUTTUDANG RIJAJARENG

NASIBAWAI PAPPAKARAJA

NENNIA PAPPASALAMA TEMAPINRA

SEREKKUAMMENGNGI NASIAME-AME APPISULESSURENGNGE

KUATOPA PASIAREKKENGNGI

MASE-MASENA SOMPUNGLOLOE

NAENCENG BAJA-BAJA

ASSINGERENNAASSILOLONGNGE

ENGKAMANENGNI SAJIMMU TUDANG

MADDUNRUNG MADDEMMENGREMMENG

OE ANA BULAENG AJA TABBALUKAI ININAWAMMU

AJA MUPADDIMENGNGI RI PACCIRITTAMU USALLESSEK

RITAKKALAMMUMALA TUDANGENG RI LALENG KATI

MUPAMMESANGNGI ALABBIRENG

NAMANAE SAJI-SAJIMMU

MAUNI RUTTUNG NBULU MATANRE

MAUNI POPO LOLANGENGNGE

REKKUA SIA IAO MUA NASIBAREK-BAREK

MPETARENGNGEKO LALENG RIOLA

AJALALO MUPALETEI RITAU PARUKKUSENNA

OE ANA BULAENG

MATTAMANAI MAI MABBOLA ULAWENG

MAKADDENENG WARA-WARAE

MATTIMPALAJA WELLU-WELLUE

MAKKEWEWUNGENG MUTTIARAE

BULU ULAWENG PATALLETTUNA LOLANGEMMU …..SALAMAKI